Praktihkalaš dieđut dán jagi festivála birra
Ijastallan
Márkomeannu-festivála lea olgun. Jus háliidat idjadit festiválabáikkis, de leat bures boahtin Márkomeannu gohttensadjái. Váldde iežat lávu dahje tealttá mielde. Buorrevuohta: láhka dohko gos gievvá. Doppe leat hivssegat ja čáhci. Idjadeapmi gohttensajis lea oassin festiválabileahtas.
Jus háliidat boahtit viessobiillain dahje viessovovnnain Márkomennus, de gávdno sierra bisánansadji didjiide fylkkageainnu guoras moadde čuohte mehtera dábálaš biilaguođđinsajis. Doppe ii leat elrávdnji, ii hivsset, ii ge čáhci. Lea nuvttá guođđit biilla, viessobiilla ja viessovovnna dohko.
Parkerensajit
Lea nuvttá parkeret min luhtte! Mii sávvat ahte oassálastit ovttas vudjet festiválii birasdoahttalusa geažil.
Borran ja juhkan
Márkomeannu fállá sihke árbevirolaš ja ođđaáigásaš sámi borramuša festiválas. Márkosámi borramuš galgá dieđusge leahkit guovddážis festiválas. Boaššus Gállogiettis vugdojuvvo sihke galbma ja liegga borramuš, gáffe, deadja ja minerálačáhci. Mii fállat vegetára molssaeavttuid.
Rahpanáiggit Boaššu
Duorastat: 17-22
Bearjadat: 10–02
Lávvardat: 10–02
Báras Gállogiettis vugdojuvvo vuolla, viidna ja cider. Lea 18-jagi ahkemearri beassat bárii mii lea ráddjejuvvon áiddiin.
Gállogieddái ii leat lohpi váldit fárrui juhkamuša. Veaskkut, lávkkat ja busset iskojuvvojit verráhis. Jus ii doahttal njuolggadusaid de sáhttá mielddisbuktit ahte biddjojuvvo eret festiválas. Veaskkut, lávkkat ja busset eai iskojuvvo ovdal manat gohttensadjái.
Rahpanáiggit Bára
Duorastat: 19-22
Bearjadat: 18–01
Lávvardat: 18–01
Áinnas buvtte iežat čáhceboahtala festiválii – leat čáhcestašuvnnat olles festiválaguovllus gos lea nuvttá čázi deavdit!
Riššu
Dán jagi mii leat hui rámis go mis leat ođđa riššut Várevuoli Doaibmahuonas. Viesu gávnnat gurut bealde doppe gokko vázzá luohká bajás Gállogieddái.
Máksu
Sáhtát máksit goarttain (áinnas guoskkaldahte) dahje Vippsain festiválas. Eat váldde báberruđaid.
Beasatlašvuohta
Mii ávžžuhit ahte juvlastuollogeavaheddjiin leat mieđušteaddjit mielde. Festiválaguovlu lea rumššas, ja soaitá hástaleaddji johtit guovllu siskkobealde juvlastuollogeavaheddjiide. Jus juvlastuollogeavaheaddjit háliidit vuoji boahtit luohkká bajás Gállogieddái, de dárbbašuvvo sierra vuodjenlohpi.
Mis lea sierra HC-hivsset guovllus.
Váldde oktavuođa Márkomeannuin info@markomeannu.no jus dárbbašat lobi. Parkeren badjin Gállogiettis ii leat vejolaš.
Márkomeannu dohkkeha láidesteaddjiduođaštusa. Dohkálaš láidestanduođaštusa ferte čájehuvvot bileahtaoastimis dahje bileahtalonuheamis.